„Мојата љубов за гитарата не почна од некој точен момент, како мал татко ми ја има пренесено неговата љубов за музика и со тоа и љубовта кон гитарата. Ако морам да изберам еден специфичен момент би го одбрал првиот пат кога ја слушнав “Layla” од Eric Clapton.”

„Првата песна што ја памтам беше “Ода на радоста”. Многу едноставна песна, но бидејки ми беше првата препознатлива мелодија по месеци вежби, многу се гордеев кога ја научив. Омилена песна ми беше “Danza Del Molinero” од Manuel de Falla бидејки е многу моќна, динамична и интересна за свирење, но и многу тешка за учење.”

„Страв, трема и нетрпение. Тоа се главните емоции што ги осеќаш пред да дојде твојот ред. Почнуваш да се двоумиш дали си стварно спремен да свириш на бина, дали убаво си го извежбал делото – ама кога конечно ќе ти го повикаат името и ќе се качиш на stage-от одма летнува моментот.”

„Како мала го гледав татко ми како свири на неговата гитара па почнав да ја чепкам. Кратко после тоа моите ме запишаа на часови…”

„Моето прво искуство беше со мојот бенд Zanadu. Таа свирка беше особено чудна бидејки тапанарот не можеше да свири и имавме друг тапанар на сцена, а јас за да свирам, бегав од тест по Македонски јазик. Свирката беше одржана во СУГС Гимназија „Орце Николов“ како дел од патронат.”

„Првата песна која ми текнува во моментов е “Smoke on the Water” од Deep Purple. Имам две омилени песни, а тоа се “Revenge” од XXXTentacion и “Руската народна песна”.”